पुणे : गणेश विसर्जन मिरवणूक निर्विघ्न पार पडावी, यासाठी अहोरात्र बंदोबस्तात असलेल्या पोलिसांना घरचे जेवण मिळावे, यासाठी लायन्स क्लब ऑफ पुणे सारसबागतर्फे लक्ष्मी रस्त्यावरील रांका ज्वेलर्स येथे श्रमपरिहार केंद्र उभारण्यात आले आहे.
गेली १३ वर्षे या क्लबतर्फे भोजनव्यवस्था करण्यात येते. पोलीस आयुक्त के. व्यंकटेशन व लायन्स क्लब इंटरनॅशनलचे प्रांतपाल रमेश शहा यांच्या हस्ते २३ सप्टेंबरला सकाळी १० वाजता या श्रमपरिहार केंद्राचे उद्घाटन होणार आहे. मिरवणूक चालू झाल्यापासून संपेपर्यंत नाश्ता, जेवण व चहाची सोय या श्रमपरिहार केंद्रामार्फत करण्यात येणार आहे.
उद्घाटनाविषयी :
दिवस : रविवार, २३ सप्टेंबर २०१८
वेळ : सकाळी १० वाजता
स्थळ : लक्ष्मी रस्ता, पुणे
